Sr Niña's First Profession of Vows

Introduction by Sr Mary Lea Comia, RGS, Novice Directress (Excerpt)

Si Sr. Nina ay isinilang sa San Francisco,
Aurora, Quezon. Wala pa syang isang taon, lumipat silang mag-anak sa isla ng
Quezon. Sabi nga niya, yan ang pagkakatulad nya kay SME na lumaki rin sa
isla... Ang kanyang mga magulang ay sina Eugenia at Narciso. Ang kanyang papa
ay pumanaw noong 2009. Siya ay bunso sa apat na babaing magkakapatid. Bago siya
pumasok sa kumbento, nagtrabaho sya sa bilang Financial Analyst sa loob ng mahigit
na 7 taon.

Apat na taon syang kasapi ng The Feast, ang
samahan na binuo ni Bo Sanchez.  Sa
kanyang paglilingkod, ginambala sya ng Diyos… masaya naman sya sa ginagawa
nyang paglilingkod, pero nadama niya na may hinahanap pa ang kanyang puso… Sa
kanyang mga pananalangin, parang tinatawag siya ng Diyos na maglingkod hindi
lamang sa The Feast… Palakas ng palakas ang tawag na ‘yun kaya nagtanong sya sa
isa nyang kasamahan, si Joseph, kung may kilala syang tao na makakagabay sa
kanyang discernment. Si Joseph ay kilala si Rose Tapia, na syang nagbigay ng
number ni Sr. Cielo na noo’y Vocation Directress.   At dun na nag-umpisa ang kanyang paglalakbay
kasama si Jesus ang Mabuting Pastol.

Bahagi ng kanyang discernment, nagkaroon s’ya ng
pagkakataon na makasama ang mga kabataan sa Bukid Kabtaan, sa Ruhama Center at
sa kababaihan ng Heart of Mary Villa. Sa mga panahon na kapiling sila, marami
siyang natutunan. Tama nga ang sabi ni St Mary Euphrasia, “we owe our vocation
to these children.” Ang mga madre at mga katuwang nila sa misyon ay naging
inspirasyon din niya upang magpatuloy sa pagtugon sa tawag ng Mabuting Pastol.

Ngayon ay masaya syang magtatalaga ng sarili sa
Diyos sapagkat ang buhay nya na KALOOB ng DIYOS ay Malaya nyang IPAGKAKALOOB sa
KAPWANG NANGANGAILANGAN bilang tugon sa TAWAG ng DIYOS. 

Message of Sr Mary Susan Montano, Province Leader

Una muna ay nais kong batiin sila “Nanay Henya” at pamilya;  Nanay, sa ngalan po ng mga madre ay gusto ko
pong magpasalamat sa inyong paghahandog kay Nina sa Congregation. Alam ko pong
hindi madali iyan lalo na sa panahon ng kagipitan ngayong pandemic, subalit mas
nanaig sa inyo ang pagsunod ni Nina sa tawag ng Panginoon. Maraming Salamat po
sa inyo!

At sa iyo, Nina, Congratulations! Sa kabila ng maraming hamon na
pinagdaanan, nanatili kang tapat sa pagtugon at pagsunod sa yapak ni Hesus ang
ating Mabuting Pastol.

Sa darating na ika-15 ng Agosto, ipagdiriwang natin sa Province ang
100yrs of RGS presence and ministry in Manila, at ang ating tema ay:  “Through 100 years… SME’s legacy of hope and
grace”.    Naniniwala ako, Nina,  na ikaw ay isang regalo sa amin ni Mother
Foundress sa panahong ito - SME’s gift
to us as a sign of hope for the future and for our mission. Kaya sa
iyong pakikipag-ugnayan sa mga sisters lalo na sa mas higit na nakatatanda,
nawa’y maging bukas ka sa mga magagandang aral na iyong matututunan, sa
kanilang wisdom na dulot ng kanilang karanasan ng pagsasabuhay bilang Good
Shepherd Sisters.

Subalit kailangan mo ding alalahanin na ikaw bilang isang young
sister ay may mahalagang bahagi o kontribusyon din sa paglago ng iyong
community at ng ating Province.

Sa mensahe ni Pope Francis bilang paghahanda sa “Synod on Young
People” noong 2017, sinabi nya ito sa mga kabataan:

“Listen to the cry arising from your
inner selves! Even when you feel, like the prophet Jeremiah, the inexperience
of youth, God encourages you to go where He sends you: “Do not be afraid,
[...], because I am with you to deliver you” (Jer 1:8).

A better world can be built also as a
result of your efforts, your desire to change and your generosity. Do not be
afraid to listen to the Spirit who proposes bold choices; do not delay when
your conscience asks you to take risks in following the Master. The Church also
wishes to listen to your voice, your sensitivities and your faith; even your
doubts and your criticism. Make your voice heard, let it resonate in
communities and let it be heard by your shepherds of souls.”

At para naman sa ating mas nakatatandang mga madre (kasama din po
ako dito), ito naman siguro ang hamon sa atin ni San Juan Bautista ngayon,  na ating pakinggan ang tinig ng propeta sa mga
kabataan, “the prophetic voice of the young” na minsan ay medyo mahirap pakinggan
dahil hindi naaayon sa ating nakasanayan o hindi ayon sa ating kaalaman. Pero sinabi
din ni Pope Francis sa Synod:   “St. Benedict urged the abbots to consult, even the young, before any
important decision, because “the Lord often reveals to the younger what is
best.”  At alam natin na sa patuloy na pagbabago
ng mundo, mahalaga din ang pagbabago ng ating pananaw at kung paano tayo
tutugon sa mga panibagong hamon ng misyon.

Sa ating sama-samang
pasasalamat sa Diyos sa biyaya ng ating bokasyon bilang mga GS Sisters at
maging mga lay partners, nawa tayo ay mapuspos ng biyaya na maisabuhay ang
ating Province Chapter theme:  Transformed by Love, Passionate for Mission!”